胡楓(修哥)、羅蘭、吳麗珠同劉錫賢等今日為一間藥堂擔任開幕嘉賓，黎明日前喺facebook公佈喜訊，承認與32歲，同樣離過婚嘅女助手阿Wing交往，且女方已懷有「明B」，佢嘅人生中進入另一階段。(新聞連結： https://bit.ly/2IyRwLX )

身為契爺嘅修哥，講到會唔會同契仔黎明分享下做爸爸嘅心得，佢話：「會，傾吓偈，恭喜吓佢，我哋有溝通。」唔知今次係修哥第幾個契孫呢？佢話：「我有15個契仔契女，真係數冇數過，俾你哋提醒我，要返去數下，下次再同大家講。」問到契孫係咪以孫女為主？佢就笑笑口話：「都話唔知。」唔知今次係契孫仔抑或係孫女？修哥鬼馬話：「你哋問吓佢，留待你哋查明真相，我講出嚟就係有bb就ok。」

跟住又講到平日養身方法，修哥話平時都有食保健產品，不過主要係靠做運動，咁多年以嚟，每日都會不停行路，朝早、中午或者臨瞓前都會做，尤其是臨瞓前會行一個鐘或者慢跑，有助可以容易入睡。羅蘭姐亦都話佢一早起身飲兩大杯水，加上一年接受注射兩支改善骨質疏鬆針。

精選娛聞，喺晒《娛果》
http://fb.com/appledailyent