當年今日
關於我們

【網絡威力似把刀】麥包斥放短片者冇道德何傲兒擔心馬賽

蘋果日報 2014/07/23 06:00

何傲兒胡渭康麥長青馬賽麥包

疑似馬賽身穿情趣內衣,跳艷舞片今日網上瘋傳,全城熱話。何傲兒、胡渭康同麥長青(麥包)今晚出席活動時,都有回應此事。

麥包話自己喺屋企沖涼都會跳舞,覺得私人空間做私人嘢冇問題,指傳出短片嘅人好冇道德,佢話覺得馬賽係好勤力嘅人,覺得網絡世界威力似把刀,可殺人於無形。

何傲兒就話有留意段新聞,但係就冇睇過條片,何傲兒話:「都擔心佢,希望佢冇事,好多時一齊工作,最重要係畀空間佢休息。」何傲兒指公司會有安排好好保護藝人,而佢自己用電話影相同傳短訊都會特別小心。

胡渭康強調自己未睇過馬賽條短片,但係佢話馬賽所做嘅唔係咁大件事,只係一啲私人生活,相信普通人都會做。