韓國人氣編劇洪氏姊妹（洪貞恩、洪美蘭）新作，由李昇基、車勝元、李洪基、吳漣序主演嘅tvN新劇《和遊記》大前日首播收視高開達5.29%。

不過前日播出第二集卻出現災難性嘅播放事故，除不斷播廣告及劇集同綜藝節目嘅預告外，又出現多次嘅穿崩鏡頭，清楚見到威吔、同埋CG特效未處理好等問題。

tvN事後即發表聲明致歉，並於香港時間噚日下午5時10分重播第二集。雖然出現播出事故，但無損劇集受歡迎，噚日重播更刷新收視紀錄，錄得5.623%，比起前日播出嘅第二集4.849%收視更高。

另外，劇組表示《和遊記》於 10月初開拍，現時已有6集存貨，而由於後期製作需時，加上避免前日嘅情況再次出現，原定下周日播出嘅第四集將會延至下月6號播出。

曾跟洪氏姊妹合作《原來是美男》而爆紅嘅張根碩，將於下集中客串演出。

更多韓流，喺晒《娛果》
http://fb.com/appledailyent