有線王牌節目《怪談》在兩個月前忽然停播，做了《怪談》12年主持的梁思浩當時坦言感到震驚，要整個月時間消化這消息，更有網民反應激烈，聲言不再續約有線。不過，《怪談》迷不用失望，本報收到消息，《怪談》監製韋家華（韋家輝妹妹）將會在下月正式過檔now旗下的ViuTV。
據知，韋家華亦有意拉攏多年老拍檔梁思浩和司徒法正過now台，以原班人馬打造新一輯《怪談》。

梁思浩睇價錢

梁思浩昨在電話中接受訪問說：「其實靈異節目係好多觀眾鍾意睇，好多電視台都有拍過，所以家華再開《怪談》我唔覺得出奇，佢係一個我好欣賞嘅監製，大家十幾年合作無間，所以佢嗌到應該冇問題，問題反而係我收《怪談》價錢比較高，要睇嗰邊制唔制。」
可是，當記者告知思浩，其死敵司徒法正亦有可能歸隊時，思浩即斬釘截鐵說：「吓！如果佢老人家要做，我梗係俾佢做，佢之前幫無綫拍嗰個節目（《詭異檔案》），收視低到俾人cut，如果佢要做《怪談》，我俾佢做晒啦！」至於司徒法正則說：「要同思浩合作冇問題，我唔會介意，介意都係佢（思浩）介意啫，如果真係有機會合作，最重要都係做好個節目啫！」
採訪：王梓嫚