【新增僱傭公司、工會回應】
本港菲傭Baby Jane Allas在確診患上第三期子宮頸癌後，即被僱主以她患癌為由終止合約。香港亞洲家務工工會聯會組織幹事王瀚樑表示，過往有不少外傭因患病被僱主解僱，外傭被解僱後2星期內就要返回原居地，求助無門，「不時都聽到咁嘅情況，好多時候無法親身接觸工人，因為工人被解僱後，好快要離開香港。」

王瀚樑又認為，現行政策對患病外傭不利，「好似有啲外傭患有心臟病、高血壓等，未必即時影響工作，但僱主會直接將外傭解僱，僱主就唔需要負擔醫療費用……佢哋（工人）好多時候無得say no，因為僱主只需賠償一個月代通知金及機票。」

王指出現行法例下，僱主不能在有薪病假期間將外傭解僱，「工人攞緊有薪病假，僱主解僱佢會觸犯勞工法例，但如果工人係攞緊無薪病假，僱主解僱工人係唔犯法。」他建議，政府應修改現行外傭被解僱後需2星期內離港的限期，他認為可以「等工人被解僱後，可留港繼續搵新僱主，或尋求其他支援。」

香港外傭僱主關注組召集人徐曉彤表示，不清楚有關個案詳情，但指一般情況下，若外傭確診患上嚴重疾病而失去工作能力，她建議僱主應聯絡中介公司、菲律賓領事館、勞工處及平機會協助，不應即時解僱外傭，「如果工人冇晒有薪病假，醫生仍畀病假（工人），一般情況下，僱主都要聯絡勞工處等，最好喺病假後先做下一步行動。」

她又稱，需醫生證明外傭因患病失去工作能力，「醫生有冇畀證明話（工人）unfit to work？如果醫生無發出有關證明，但僱主將外傭解僱，僱主有危險」。她又指，曾接獲一宗個案是外傭屬末期病患者，「去到第四期，返咗一個月已經要入醫院，醫生都話佢冇能力工作……僱主聯絡領事館支援，問埋平機會、勞工處，最終係解僱咗個工人，縱使個工人好唔想，後來工會等（組織）想行動，但告唔到個僱主，因為係合法。」

得成僱傭中心董事總經理廖翠蘭表示，僱主必須為外傭購買勞工保險，但醫療保險則可自行選擇購買與否，「通常我哋都會建議僱主買全保，因為僱傭合約係寫明僱主需要為外傭承擔受僱期間嘅醫療費用，如果你無買到醫保，僱主咪要自己畀錢」。然而，廖指僱主很少為外傭購買危疾保險，「如果剩係買一般醫保唔包危疾，咁有癌症都係僱主要負責，所以真係要睇買邊類型嘅醫保，為外僱買份醫療保險係對僱主自己有保障」。

職工盟秘書長李卓人表示，若僱主在僱員放取無薪病假期間將對方解僱，有機會觸犯《殘疾歧視條例》，「僱主唔可以因為僱員有病就將佢解僱，可能涉及歧視，咁樣就屬於平機會範疇，因為勞工法例只規管有薪病假。」

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef