當年今日
關於我們

【恭喜晒】嫁髮型屋老闆5年 張美妮宣佈:要當爸爸媽媽啦!

蘋果日報 2018/12/11 17:03

爸爸媽媽張美妮預產期

38歲嘅張美妮與髮型屋老闆黃偉強(KK Wong)喺13年結婚(新聞連結: https://bit.ly/2EeR6u8 ),做咗少奶奶後,美妮除咗拍劇之外,仲幫老公打理餐廳同髮型屋嘅生意,不過美妮話同老公都好鍾意小朋友,所以會盡量做少啲,休息吓,希望努力造人。
美妮今日喺facebook宣佈好消息,佢貼咗同老公再加埋一對寶貝狗狗嘅相,之後留言話:「感恩上帝的恩典,我們家庭將會迎接新成員,我和老公要當爸爸媽媽啦!心情真係嘅開心又緊張,以滿滿的愛期待BB的來臨!(叻叻同比比也表示好開心,以後多個人錫佢哋同佢哋玩啦!)」
其後美妮接受傳媒訪問,佢話:「好感恩終於有BB呀,都計劃咗一段時間,害喜又唔算好嚴重,但之前一直都好攰好攰同埋有失眠,好在胃口都好好,不過呢幾日都開始精神番,仲可以帶狗仔去散步。」問佢係咪停工唔拍劇?美妮話:「係呀,o依家完全停工冇拍劇喇,但係就照樣都有接一啲做嘉賓唱吓歌,同埋KOL嘅job,呢樣可以喺屋企做。」
至於老公又有乜嘢獎勵?美妮就話:「哈哈,咁老公又未有乜嘢獎勵,但係就明顯呢排特別緊張我,又成日早放工返嚟陪我囉,所以我都覺得好sweet嘅,我嘅預產期係喺6月,未知BB嘅性別,不過仔定女我同老公都咁鍾意,好期待BB嘅來臨,有好多朋友話陀B嘅過程好難忘,真係要好好感受吓!」
精選娛聞,喺晒《娛果》
http://fb.com/appledailyent
empty
(FB圖片)
empty
今日美妮喺FB宣佈造人成功!(FB截圖)
empty
美妮話同老公一直好都好鍾意小朋友。(資料圖片)