過濾器、過濾棉、定水劑、彩珠、水草、魚糧、魚撈、魚缸（一般養10條以下普通淡水金魚，只要75cm闊、30cm高就夠）

用鹽洗魚缸，能徹底將魚缸的細菌和污垢洗淨。之後依說明書將過濾器安裝於魚缸上。至於過濾器應買幾大個，去到水族館同售貨員講你個魚缸有幾大個就得㗎喇！

過濾棉剪成合適過濾箱嘅尺寸，記住要鋪上兩層棉，因為兩層棉會將缸中的污糟過濾得更好，以後替換過濾棉時，只須將面層污糟嘅棉換掉，將底層的棉換上，再將新的一塊過濾棉放在底，每次都咁樣做，魚缸水質會好啲㗎！

倒水入缸。記得水要倒過過濾器嘅水圈位，咁樣個過濾器先可以感應到水，打入氧氣。開住個過濾器，由得缸水放過夜，等水入面嘅氯氣揮發晒先好放魚呀，唔係啲魚會死㗎！養鹹水魚的話，就要於此缸隔夜水中加入適量鹽。

隔日後，依指示加入一些消化細菌劑和調校水質嘅藥水（一般水族館有售，約$25-$30）。

係時候布置魚仔嘅新居。先洗淨專用彩珠，置於缸底。至於水草，初學者宜買假水草，因真水草如果打理得唔好，水草會在缸裏腐爛，影響到水質，分分鐘影響魚嘅健康㖭！

一切搞掂晒，都唔好咁快放魚入缸，先將剛買回來嘅魚連袋放入缸中，目的係等魚適應咗水溫先。之後才剪開魚袋，用魚撈慢慢放魚入缸。

魚缸內有很多微生物，無可避免一定會生青苔，但千祈唔好用洗潔精或任何洗潔劑清洗，化學劑分分鐘累死啲魚。見到有厚厚嘅青苔，宜先用刀片或者𠝹刀刮走，咁之後就無咁難洗。
之後用百潔布輕輕洗刷有青苔的地方，直至觸手沒滑潺潺的感覺。

不要將魚缸放近窗，因為陽光暴曬會令青苔生長得更快，而且陽光會影響水溫。

換水都好講技巧㗎！唔好見缸水污糟就諗住成缸水倒晒換咗佢，有可能令你啲魚魚就咁無命！因為魚本身已經適應咗水嘅環境，即使水變得混濁，每次換水只可以換掉一半或3，最好係一邊放走舊水，一邊加入新水，慢慢等魚適應。一個月平均只需要換一次水即可，換水時亦不必把魚撈起。

魚糧放得太多，弊處係魚唔知飽又或者食唔晒，若然積存咗喺缸入面就會形成污垢，甚至腐爛，影響水質！

一般魚缸污迹，可以專用磁石刷（一般水族舖有售，約$25）刷掉。

魚是靠缸內嘅微生物去生存，故一年大洗2、3次就夠。連水連魚小心過落盆中，用百潔布及清水沖刷魚缸，過濾器及窿罅位可用牙刷細刷。

才幾個月前的新品種，頭有髻，似壽星公而得名。

容易養、價錢平，有紅、黑、金、白4色。一般愛與龍吐珠一齊養，寓意豬籠入水。

名字因由是背脊有橙圈似檸檬。是特別而價錢實惠的入手之選。

查詢：香港水族廣場
25720163（www.hkap.com.hk）