出演韓國選秀節目《PRODUCE 101》男團版而出道嘅限定男團Wanna One，下月3號及4首度襲港喺亞博館開騷，而佢哋噚晚就喺泰國舉行粉絲見面會，不過佢哋前晚抵達泰國時就群情洶湧，喺機場被大批粉絲包圍，即使當地派出數十名保安護駕，但場面十分混亂，仲搞到經理人發火打人(相關連結： http://bit.ly/2fcS2oK )。

而佢哋噚晚順利完成演出，今早已火速返回韓國工作，未知是否行程太緊密，只見佢哋現身韓國仁川機場時顯得一臉倦容，雖然一早喺機場蒲頭，但仍然有大批粉絲到來接機，場面墟冚。