當年今日
關於我們

陸寶胃底穿窿 入院做手術

蘋果日報 2014/11/04 06:00

蘋果即時陸寶

熱愛音樂,直至今年中喺機緣下推出首張專輯嘅幕後人陸寶,今日去到鳳凰衛視接受訪問,相比起上次出碟宣傳時,佢明顯消瘦不少。

陸寶指原來七月時,有晚發覺自己腹痛,初時以為係胃痛,直至到醫院檢查時才知道大件事,佢話:「入院檢查後先知係胃底部穿癃,起初想用微創手術,但位置喺底部,最後要劏肚做手術,出院休養期間傷口又發炎再入院,前後住了21日醫院。」

出院初期連講說話都冇氣力,陸寶覺得今次病都算係因禍得福,佢決心戒煙,酒亦都冇再飲,到9月份時身體經已康復,日前同葉麗儀、葉振棠、陳潔靈到內地登台,綵排時大家聽到佢把聲,都不禁大讚比以前更清更響,主辦單位仲話要幫佢舉行一個慈善騷,等佢唱好歌畀老人家欣賞。