仁愛堂呢個慈善組織今期(2月1號)搞盃賽，不過會內一眾馬主如「可愛寶」Simon譚握籌太太、「智高星」蔡黃玲玲、「叻先生」史立德夫婦、「光輝之星」李星強總理等呢次都冇出馬，「叻先生」及「光輝之星」反而報2月4日周三賽事，可能係想專心搞好仁愛堂盃日賽事。
至於「行善積福」馬主李鋈麟太太區雪明，係仁愛堂前副主席，如今退出咗，不在其位，最好當然部署隻馬喺今期出賽，支持一下昔日仁愛堂同僚。上次「行善積福」用巫斯義贏得咁精彩，今期佢停賽，益未來女婿李寶利，咁有誠意，力足再下一城，就算唔係跑正本戲仁愛堂盃，喺同日賽事建功，亦一樣開心。