林心如同霍建華喺16年5月宣佈拍拖，之後喺短短幾個月裡面，完成晒結婚、生仔呢啲人生大事，霍建華日前罕有咁喺大陸接受訪問，霍建華話查實喺05年同心如合作拍《都市地下鐵》之後，對佢已經有feel，但係佢怕呢個秘密揭穿咗之後，分分鐘連朋友都冇得做，於是決定一直保持朋友關係。

喺拍拖嘅初期，霍建華同識林心如每次約會都好鬼竄，最後決定喺微博公開戀情，即晚仲手拖手去打邊爐公告下，佢就話：「我覺得男人嘛！想做甚麼就做。」但係呢個決定反而令佢少咗好多粉絲：「粉絲都跑光了啊，官方的那個（微博）最後減了好幾萬，這個是多實際的東西啊！」

到咗今年1月，心如同霍建華嘅小天使出世，嗰陣心如話專登返台灣陪生B嘅霍建華，見到囡囡出世，因為轉唔到身，所以唔知道爹哋有冇喊，只係覺得佢好激動（新聞連結： http://bit.ly/2BnKXet ），霍建華喺訪問承認當場崩潰大哭：「我這輩子從來沒有覺得有一樣東西是屬於我的，包括我的積蓄、我的名，甚至有時候包括我的身體，當我抱着她那一刻，嗯，這是屬於你的。」

霍建華仲自爆試過帶阿女去公園，遇到有人偷拍，嗰陣差啲起衝突，不過經過今次覺得自己放下很多，認為女兒遲早會俾人影到，於是繼續享受家庭生活，又話會帶佢去動物園。至於面對接二連三嘅負評，霍建華就話：「不是善意的或者是怎麼樣的話，如果我跟他們太多回應的話，代表我跟他們同樣的情商跟智商，所以要有「我永遠比你高」的心態，不然會活得很辛苦。」

更多娛聞，喺晒《娛果》
http://fb.com/appledailyent