徐繼宗做幕後音樂人20年，去年決定隨太太為子女前景移民加拿大，今年回流推出自己創作歌曲，登上幕前做歌手。今日他現身商台宣傳，早在十幾年前已經有歌星夢，他說：「有，亦寫過好多歌畀歌手，直至近年移民加拿大生活，獲得更多空間，就諗下想做嘅事，未來會定一啲計劃，打算出三首歌先。」

徐繼宗表示一直與張敬軒、陳柏宇有音樂上合作，至於會否找藝人合唱，徐繼宗說：「唔係我諗咁簡單，要人哋公司都ok先得。」而他為人熟悉作品，包括有容祖兒《心淡》及劉德華《17歲》。近年興起幕後人開作品展，徐繼宗亦有考慮，他說：「都想，但未夠貨，雖然歌好多，但hit嘅唔太多，儲多啲一次過爆發。」

他透露在加拿大一邊賣車一邊創作音樂，坦言唱歌沒想過賺錢：「為完成心願之餘，想搵多啲嘢撈。」移民加拿大後需要坐移民監，他笑稱擔心為了返香港工作坐唔夠，屆時分分鐘家變。

此外，今年樂壇新人莊正（Lester）推出新歌《開放世界》，他參加音樂比賽出道5年，其間有機會跟圈中藝人謝安琪、師兄陳柏宇等合作。Lester現在正式進軍樂壇，之前只接收作品唱歌，近年他希望表達自己更多，開始嘗試創作，喜歡日本曲風，稍後希望和唱作組合小塵埃合作，他說：「我哋以前係同校，係我師兄。」

採訪：卓寶花

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X