有「京城四美」之稱嘅大陸女星景甜，近日被爆原來家庭背景非常猛料，有傳佢老竇就係去年上調中央，出任中宣部副部長，今年掌管央視嘅景俊海。

有人「成功靠父幹」，但係28歲嘅景甜，6年前加入娛樂圈，就一直都冇向外透露，自己嘅有個咁勁嘅爸爸，多年來都係靠自己努力向上爬，雖然未去到大紅大紫，但都好惹是非，好似就有網民攞佢出道嘅相同o依家做比較，話佢有可能曾經整容喎！

大陸網咁講，話景甜出道嘅時候：「臉上肉肉的，瓜子臉，臉型比較寬，鼻子也不夠挺，眼睛雙眼皮不明顯」，咁近日景甜就晒咗佢嘅素顏照，見佢雙眼皮好明顯，有網民就質疑佢割雙眼皮，話佢同之前唔明顯嘅雙眼皮對比好強烈，又話佢個鼻樑變高咗，個鼻子有細微差別喎！仲有就話到佢塊臉上的肉也少了。對於整容傳聞，景甜就冇任何嘅回應。

而翻睇景甜兒時嘅相，其實佢都擁有一雙明亮嘅大眼睛，而網民質疑佢嘅雙眼皮，有網民又話可能係化妝技巧喎！