葵芳邨今晨發生女兒用滾水灼母的事件( http://bit.ly/29Jh4XU )，受傷母親胸、頭、頸及手部均起水泡，送院治理後情況穩定，正留醫廣華醫院。《蘋果》其後聯絡上少女的父親，他透露自己已經與太太離婚，母女二人同住在葵芳邨，又指女兒隨母親10多年前由深圳來港定居，但讀至中三後輟學，多年來只做散工，今年初雖曾在服務性行業工作三個月，但因與同事不合，自我形象低，未幾辭職留在家中，而生活費則由父母支付。

他續稱女兒來港後一直適應不到環境，至5年前脾氣轉壞，經常擲物發洩，「食食吓飯會打爛碗碟，無乜理由就可以發嬲，控制唔到自己脾氣」，而且又會埋怨父母收入低微，「個女覺得老豆老母唔好，又出身喺呢個家庭，情緒唔係咁穩定」。雖然父母當她如珍寶，百般遷就忍耐，但經常與父母爭執，「成日嘈，(女兒)郁啲就會發脾氣，總之就係不可理喻，倆母女仲試過打交，掟爛屋企啲嘢」，至前晚時，母女二人更曾大吵一場。對於今次的悲劇，陸父甚感無奈：「邊有父母唔錫個囡呀？」

想睇最新消息？　即時follow【現場－蘋果突發】 fb！ http://fb.com/applecitycrime