肥佬黎問家棟可有想過有小孩？他說：「暫時未諗過。」那可有想過成家立室？家棟答：「都曾經有諗過，依家算吧啦！」

家棟表示現階段享受工作，不太懂得分配時間：「有時你要喺工作中搵自己存在價值，你要我抽啲時間出嚟（拍拖），我又唔會shopping嘅，同你行PP，唔係啩！」肥佬黎續問他的存在價值是甚麼？家棟說：「依家電影圈成日話青黃不接，我聽到呢啲說話會唔忿氣。我希望喺呢個圈有出過力。」肥佬黎認為就算再努力，也難以擺脫青黃不接的困局，實情最需要是創意，他說：「喺一潭死水入面，點樣創造一個生命出嚟，係需要好大嘅creativity。」