陳豪和陳爽今日在中環出席活動，分享個人保養之道，兩位型爸美媽都擁有健美身段。已有三名子女的陳豪坦言，入行至今精力明顯有很大變化，他笑指：「被三隻馬騮仔損耗最多，另一樣係記憶力，以往過目不忘，現在要花多兩分鐘時間記劇本。」

陳豪保養心得要擁有健康和營養，他說：「因為拍劇認識張繼聰，受感染玩健身令身體比以前更強壯，運動成為生活之一，隔日就會去健身，以前好怕凍，要着好多件衫，而家可以穿一件T恤，大家都睇到。」他笑指有強健體魄，有助湊小朋友，他說：「隨手抱起兩個小朋友都冇問題，好似舉重一樣，一位小朋友都30磅左右。」能夠保持肌肉型男美譽，陳豪對飲食亦有要求，會計算脂肪比例、纖維及蛋白等。

至於經營網上海味生意的陳爽，即大賣廣告說：「想要好嘅蛋白，可以試下我哋啲花膠，自己好貪靚，每日都食花膠，Amiee（陳茵媺）都係幫襯我哋。」陳豪笑言：「老婆就食花膠，我就食蛋白。」並勸告大家只要飲食習慣唔好食太多足夠便可，希望自己能長命過100歲，陪子女長大及湊孫。

此外陳爽近日首次接觸空中瑜伽，展現fit爆身材，她說：「就快夏天趁有時間減下肥，減下啲拜拜肉，運動好重要，希望keep住一星期做到兩次，保持狀態。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI