【昔日嗌反翻版】G.E.M.今撐《神魔之塔》 網民轟：幫《神抄之塔》就dislike
蘋果日報 2014/01/26 06:00
鄧紫棋G.E.M.陳妍希神魔之塔padPuzzleAndDragons
G.E.M為《神魔之塔》嘅活動唱歌，點知畀網民罵爆。- 《神魔之塔》發行公司負責人曾建中同G.E.M合照。
- G.E.M喺台北電玩展唱歌。
- 《神魔之塔》嘅曾建中當然唔認係抄PAD啦。(資料圖片)
- 上圖係PAD，下圖係《神魔之塔》，係唔係好似呢？(資料圖片)
- 陳妍希一直都係《神魔之塔》嘅代言人，但佢又冇畀人罵爆喎。(陳妍希facebook圖片)
- 喺《神魔之塔》入面都有陳妍希嘅角色。(陳妍希facebook圖片)
- G.E.M喺FACEBOOK講一句，畀網民罵爆。(G.E.Mfacebook圖片)
- 網民留言x1(G.E.Mfacebook圖片)
- 網民留言x2(G.E.Mfacebook圖片)
知識產權好多人嚟講都好重要，因為自己發明嘅嘢畀人抄襲咗，一定唔會開心，甚至會令到發明者唔會再創作出更好嘅嘢。而有一位歌手都曾經講過，翻版充斥市場，令到創作會日漸退步，而呢位歌手，今日就出席一個手機遊戲嘅活動。就咁睇好似冇乜嘢問題，但如果個歌手係出席《神魔之塔》嘅活動呢？而個歌手就係最近爆紅嘅鄧紫棋(G.E.M)。
冇玩手機遊戲嘅朋友，可能唔明白有乜嘢問題，喺到輕輕解釋下。《神魔之塔》係一隻「參考」日版遊戲PuzzleandDragons(PAD)嘅遊戲，因為早前喺台灣同香港都唔可以經GooglePlay下載PAD，有人就推出《神魔之塔》，於中文轉珠手機遊戲市場成功搶灘，仲越搞越大，搵埋宅男女神陳妍希任代言人0添。
但《神魔之塔》一直都畀PAD嘅玩家大鬧，話佢抄襲PAD。但當然，《神魔之塔》嘅發行公司負責人曾建中承認開發過程有參考該個遊戲，但強調兩者有分別，並話新嘅意念「通常係基於舊有意念出嚟」，但係呢一個新嘅意念實在同PAD太相似，所以有網民仲幫遊戲改名做《神抄之塔》。
咁一向都好支持正版嘅G.E.M，今次出席呢一個疑似抄襲嘅遊戲活動，會唔會太尷尬呢？噚日夜晚，G.E.M就喺facebook話：「台北我來啦！明天下午兩點，台北電玩展2014，神魔之塔見！(台北世貿中心1樓B522)有台灣的朋友會去嗎？」
點知呢一句說話一出，出嚟成千個留言，有好多網民就話，原本都好支持G.E.M，但佢接《神魔之塔》嘅工作就立即唔鍾意佢，而另一部份嘅留言就係PAD嘅玩家同《神魔之塔》玩家嘅對罵，仲對罵得非常激烈。其實PAD嘅玩家真係唔駛咁嬲，因為近日PAD已經喺香港GooglePlay上架，仲唔使一星期，已經登上咗排行榜嘅第一位，而呢一隻「參考」PAD嘅《神魔之塔》上咗架咁耐都只係喺第七位，實力係可以證明一齊嘅，大家真唔使咁嬲。
冇玩手機遊戲嘅朋友，可能唔明白有乜嘢問題，喺到輕輕解釋下。《神魔之塔》係一隻「參考」日版遊戲PuzzleandDragons(PAD)嘅遊戲，因為早前喺台灣同香港都唔可以經GooglePlay下載PAD，有人就推出《神魔之塔》，於中文轉珠手機遊戲市場成功搶灘，仲越搞越大，搵埋宅男女神陳妍希任代言人0添。
但《神魔之塔》一直都畀PAD嘅玩家大鬧，話佢抄襲PAD。但當然，《神魔之塔》嘅發行公司負責人曾建中承認開發過程有參考該個遊戲，但強調兩者有分別，並話新嘅意念「通常係基於舊有意念出嚟」，但係呢一個新嘅意念實在同PAD太相似，所以有網民仲幫遊戲改名做《神抄之塔》。
咁一向都好支持正版嘅G.E.M，今次出席呢一個疑似抄襲嘅遊戲活動，會唔會太尷尬呢？噚日夜晚，G.E.M就喺facebook話：「台北我來啦！明天下午兩點，台北電玩展2014，神魔之塔見！(台北世貿中心1樓B522)有台灣的朋友會去嗎？」
點知呢一句說話一出，出嚟成千個留言，有好多網民就話，原本都好支持G.E.M，但佢接《神魔之塔》嘅工作就立即唔鍾意佢，而另一部份嘅留言就係PAD嘅玩家同《神魔之塔》玩家嘅對罵，仲對罵得非常激烈。其實PAD嘅玩家真係唔駛咁嬲，因為近日PAD已經喺香港GooglePlay上架，仲唔使一星期，已經登上咗排行榜嘅第一位，而呢一隻「參考」PAD嘅《神魔之塔》上咗架咁耐都只係喺第七位，實力係可以證明一齊嘅，大家真唔使咁嬲。