當年今日
關於我們

「開心、微妙、感恩!我們仨!」城城宣佈BB出咗世喇!

蘋果日報 2017/09/22 11:45

郭富城出世Moka方媛

【新增回應】
恭喜恭喜!51歲嘅舞台王者郭富城,終於宣佈BB出咗世喇!
城城今早十一時左右,貼咗張一家三口勾手指同腳印相,寫道:「開心、微妙、感恩!我們仨!成長、家庭、守護! ​​​」雖然未有透露出世日期同BB性別,但兩圖都係用粉色,應該就如傳聞一樣,係女!而且睇BB隻手仔,應該已經「收咗水」,可能已經出咗院返咗屋企喇!
其實早在本月2日,商台節目《一圈圈》就率先爆出,話城城已榮升做咗老竇,事有湊巧,Moka就喺商台爆料嘅前一日,就曾經喺ig貼圖,但甫開其ig,張相就唔見咗lu。除咗Moka嘅消失的貼圖,其實《蘋果》亦收到消息,指城城當晚曾揸住幽靈之子戰車,喺跑馬地同養和附近不停兜圈,不但黑麻麻戴住黑超,仲特登打開咗車窗,似乎有意吸引大家視線,唔知係咪因爲跑馬地多記者辣更,城城刻意用自己用魚餌,引開記者好讓老婆秘密入院;於翌日凌晨一時半,只見一架銀色的七人車,駛離養和醫院時,直返城城嘅寓所。(新聞連結: http://bit.ly/2eEKqrk )
城城榮升做老竇後,將會喺下星期二(26日),聯同阿Sa(蔡卓妍)等首度公開出席活動,現身尖沙嘴出席「YSL BEAUTY CLUB」香港首站年度派對,屆時唔知城城會唔會同大家分享吓湊女嘅喜悅呢!
而城城經理人小美回應《蘋果》時話:「城城真心多謝大家的祝福和關心,他當爸爸了,展開人生另一頁,他表示家中多了新成員,感覺很微妙,覺得很圓滿很踏實。他今天向大家報喜一下,是謝謝一直關心他的朋友和支持者,在往後的日子,他只想守護家人開心、平安,和保持低調。現在城城安頓好家人,並返回劇組拍攝電影了,謝謝大家。」小美再講:「我也很開心,見證城城成長、成家、到今天成爸了,覺得很圓滿,很多祝福。」
empty
empty
郭富城微博
empty
方媛微博
empty
(微博圖片)
empty
(微博圖片)
empty
城城15年,就喺微博公開同Moka嘅拖手相。(資料圖片)
empty
睇嚟城城比較鍾意公開拖手仔嘅相。(資料圖片)