【目測唔止43吋】楊秀惠又玩腳 出埋四個夾夾大風吹
硬照43吋長腿楊秀惠廣告
楊秀惠最近拍咗個美妝店廣告,影硬照,但鏡頭前一樣充滿動感,仲跳咗起碼三百幾次——因為個客想要突出活力同健康嘅訊息喎。
就係咁,換上三款不同造型上陣嘅楊秀惠,就要喺強風(來自風筒)同魚絲(當威吔咁用)助力之下,彈下彈下彈咗三百幾下。唔知個客之前係咪睇咗《心理追兇》或者《來自喵喵星的妳》,欣賞過楊秀惠一雙招牌長腿——43吋美腿,所以要跳咁多次,跳到真係完美地晒美腿,先至肯收貨。事後楊秀惠仲話︰「我覺得好值得!之前我喺屋企對住塊鏡係咁練呢個動作0架!」
提到拍攝時亦可騷其43吋長腿,佢就笑笑口話︰「應該係45吋,哈哈!」補加一句:「我講笑咋!」
《來自喵喵星的妳》的確唔好睇,但有長腿養眼。(影片截圖)