當年今日。依家舊聞受歡迎程度，更勝新聞，所以不如講下舊聞。

2015年4月21日，兩年前今日，《蘋果》A1係「葉家寶嘆已作最壞打算 亞視5.29執笠」，當年，因為政府不再續牌，股東停止注資，亞視步入倒數階段。時任亞視執行董事葉家寶接受本報專訪，稱若再無股東或投資者注資，最壞打算是5月29日結束。結果，亞視苟延殘喘，至2016年4月1日正式熄機。

溫馨一提，2015年4月21日嘅另一單矚目頭條，係林家棟與金像獎。當年是第34屆金像獎(劉青雲趙薇封帝后)，林家棟陳小春任司儀。那時林家棟在台上介紹最佳新演員的候選人時，笑稱沒看過《點對點》，還「打趣」稱該片在「歐洲」上映，暗諷電影只於屯門的小型戲院如巴黎倫敦紐約米蘭戲院上映：「10點半早場，我點會同你去睇啫，唔好癲啦。」(新聞連結： http://bit.ly/2oWuvsI )

兩年人事幾番新。林家棟變得慎言，其對港產片之貢獻及熱情，亦有目共睹，如今更上一層樓，登上影帝寶座。

講番兩年後的今日。今日《蘋果》A1頭條係「夥紅色資本供股集資7億 鄭家純買起有線」，而在1988年，純官的父親——己故新世界榮譽主席鄭裕彤，在1988年，曾經夥拍麗新系掌舵人林百欣，聯手以6.13億元向邱德根家族收購亞洲電視。當時由鄭裕彤出任亞視主席，大灑金錢同無綫打仗。

彤叔已作古，亞視熄機，純官成為有線大股東，紅色資本在背後陰魂不散。今早有線寬頻（1097）復牌，股價大幅低開20.49%，開市報0.485元，創一年新低。香港電視（1137）則低開2.41%。

相關新聞：
【相信法律係公正】司榮彬縱容亞視欠薪罪成 大姐明：佢係罪有應得
http://bit.ly/2oWtukD

縱容亞視欠薪罪成5月判 司榮彬對裁決感到遺憾：我一直拯救亞視
http://bit.ly/2p0heCe

【鄭家純買起有線】目標削每年兩億開支 張寶華：唔好影響新聞質素
http://bit.ly/2oWppN3

【有線易主】前主播齊發聲 籲鄭家純邱達昌：保留人才．提高質素
http://bit.ly/2os6Ejr

【有線易主】自認好大喜功嘅儍佬 王維基：I have nothing to comment
http://bit.ly/2pJ5n8X

【有線易主】何超瓊退出 翠如洪永城賀娘家有救：每個台都養緊好多家庭
http://bit.ly/2p19YoY

【有線易主】有線寬頻復牌 吳天海下午與管理層開大會
http://bit.ly/2owmvNv