吳千語前晚到澳門出席鐘錶展開幕,戴上過百萬鑽飾,她表示工作需要曾戴過名貴珠寶,但私下未收過:「都唔啱自己,因為我好大意,唔啱咁細件物品,試過唔見過萬元飾物好肉痛。」送車送樓便不用擔心?她即笑謂:「咁又唔使,有心意DIY都好好。」她直認男友林峯在送禮上都幾有心思。
千語之前被拍到有林峯服侍鍊骨,她指男女朋友搭膊頭很正常:「按摩都係搵專業好,一定要女師傅。不過唔少內地出名嘅都係男,如果普通按摩都冇問題。」若林峯似周潤發般為發嫂專程去學腳底按摩又如何?千語笑說:「咁幾sweet喎。」
採訪、攝影:馬建華