當年今日
關於我們

【短片】肉背超雲唔恨嫁 爆吳克羣冇追超蓮

蘋果日報 2013/03/02 06:00

陳山聰何超雲陳婉珍黃婉曼何超蓮吳克羣

賭王三太陳婉珍同千金何超雲噚晚出席東華晚宴,同場仲有V煞面女星黃婉曼。

超雲以真空大露背晚裝亮相,雖然性感程度爆燈,但超雲個玉背「份量十足」,尤其係佢彎低簽名時,超好肉地。對於近日被指變V煞面,超雲解釋因為瘦咗五磅,塊面先至變尖。

超雲同男友陳山聰感情穩定,更成日傳婚訊,三太之前講過山聰已過賭王嗰關,咁幾時完成父親心願?超雲就話:「 都唔知點解成日催?佢催同我嫁係兩回事,我未到咁恨嫁。

超雲唔係太想講自己嘢,反而擺細妹超蓮緋聞上檯,咁細妹係咪同吳克羣拍拖?超雲就話:「上次阿妹答完被曲解,寫佢哋同房好差,我唔信, 阿妹冇提拍拖 ,但知佢哋係朋友。」咁吳克羣係咪追超蓮呢?超雲代為否認:「 唔係,佢不嬲唔恨拍拖 。」超雲又話冇見過吳克羣本人,但就讚佢幾靚仔。

至於三太亦話佢同賭王都未見過吳克羣,三太話:「 個女都廿幾歲,唔到我贊唔贊成 ,我會從旁規勸,教佢做人道理。」有傳超蓮同吳克羣外遊同房,三太就話:「你哋話0者,又冇證據。」超蓮到底係咪拍拖?三太只係話:「 無可奉告 。」好玄呀﹗