潘頓於2月份每次賽事均有馬贏，而且熱門成功率頗高，陣上發揮亦得心應手，就算一些馬匹未能勝出，但策騎時誠意十足，就像剛周三（2月27日）騎「真先生」及「藍海策略」，早段取位俱一絕，他輸了馬仍要給他掌聲。

另外，2月潘頓與葉楚航共合作10次，只有一駒不入前四名，餘駒共取四冠兩亞兩季一殿，反映騎練處於蜜月期，周末（2日）共有三駒合作，需要高度重視。

第一場四班草地1000米，新舊馬混戰場合，「打鐵趁熱」上仗初出在李寶利胯下跑同程，陣上際遇欠佳影響發揮，今戰強配旺人潘頓戰力大增，有力食出頭糊。

「極速神驅」為C系列先頭部隊，早已抵達香港適應水土，2月試兩課大閘見進步神速，快慢由人點到即止，屬蔡約翰質新揀手貨，勢一出必拼。

「開心好友」季初時一度因腳患而影響進度，但本身有基本前速，試閘貫注力強，此駒可望一如同父馬「舞士精神」般，初出即有好表現。

-----------------------------------------
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb