話題多多嘅出爐港姐冠軍雷莊𠒇(Juliette)，唔少網民對質疑佢嘅代表性，有人覺得佢缺乏東方美，甚至有人覺得佢個樣同師姐蔡思貝喺《踩過界》嘅癲姐造型好似，十足十失散咗嘅姊妹，搞到有人講笑問：「癲姐拎咗冠軍？」(新聞連結： http://bit.ly/2xh7ms0 )

今日蔡思貝喺中環出席活動，講到癲姐造型同Juliette撞樣，佢話：「我好開心，『癲姐』呢個角色有人留意到。其實我嗰晚冇睇晒成個比賽，但係我覺得佢好Sharp、笑得好燦爛。」

事後Juliette喺ig開直播，反擊網民，又指:'Some people that not well-educated'、'Not smart enough’，事後問Juliette可覺得自己太mean？佢就話「自己中文差，可能講出嚟大家覺得有啲尖銳」…

唔少人都話覺得Juliette好寸，蔡思貝就話：「係咩？我冇留意呀，不過我覺得呢啲係出嚟做嘢必經階段，佢處理得幾好呀，如果有機會都希望可以坐低傾吓偈，可以互相學習。」

有份喺今年港姐擔任導師嘅王浩信，佢讚對方喺參賽嗰陣好努力，講到當選後惡評如潮，王浩信都戥Juliette陰功，相信佢唔識香港嘅文化，希望大家俾啲空間佢！

另一個師姐朱千雪亦都讚Juliette嘅EQ好高，佢話：「呢啲係每個新人必經嘅階段，希望唔好令啲新人覺得有壓力同難受，不過佢做訪問嗰陣啲態度好好，好難得不受影響。」佢仲話因為要專注讀書，暫時未有接拍新劇，所以呢套劇係喺TVB最後播映嘅一部劇，自己有啲唔捨得！

相關連結：
【最新】網民Ig開火！
雷莊𠒇Ig開live：唔會浪費時間去翻譯中文惡評
http://bit.ly/2xNkD8B