【蘋果動搞作】樣衰、冇演技、男人婆、唱歌差，這些惡毒批評，由梁靖琪（Toby）出道便跟隨着她。但有句批評更難聽——「你老竇係梁家樹。」
父親是無綫前戲劇分部製作總監，母親蕭笑鳴是無綫前藝員部經理，真的沒有特權？Toby日前在觀塘接受本報專訪時直認不諱：「我話冇，你哋都唔信啦！邊有父母唔幫自己嘅仔女？但我可以講，爸爸媽媽只可以培育你，但下一步都幫唔到你，最後都要靠自己。我知道俾人話演技唔好，我熟讀劇本囉，唔遲到，試到一個階段唔得我就會死心。」

不愛攤開手攞錢

Toby不喜歡攤開手問父母攞錢，寧願做四份工，除了拍劇，還開婚禮統籌公司兼做公關和健身教練，每天不停的健身、開會、見客、拍戲，全部一手一腳。為探討Toby的四棲生活，決意跟隨她半天，看看「梁家樹女兒」有沒有行使特權。當日中午，Toby先到酒店健身室做約半小時運動；之後換上行政套裝，到宴會廳巡察場地。約下午3時，Toby又要趕返公司為一個大型活動開會。她一邊駕車一邊說：「未食飯呀，只係飲咖啡。我以前飲好多咖啡，一日至少三杯。盈盈同阿佘都覺得我非常變態，因為我真係唔使瞓！」問到為何讓自己這麼辛苦？Toby笑說：「興趣囉，同埋真係搵食難撈，唔係大家睇到好似好風光咁。」
Toby今年4月約滿無綫後，選擇不續約，問有沒有不捨？她說：「我經理一向係我媽咪，做咗咁多年，想嘗試唔同電視台，例如網絡電視。」

採訪﹕嵐山
攝影﹕陳俊強
髮型: Micheal Lam @iHair
化妝: Stephen Lau
運動服﹕Lorna Jane