四年一度的世界盃開鑼，晚上不少球迷急不及待，紛紛約同三五知己到酒吧觀賞賽事，感受熱鬧氣氛。其中在旺角通菜街，有酒吧推出特色小食及估波膽遊戲吸客，料生意額最少升兩成；亦有球迷直言希望每場賽事都能捧場。

位於通菜街一帶的酒吧及食肆，今晚世界盃甫開鑼，即大收旺場。其中一間酒吧的負責人Rachel，直言為了應付今屆睇波熱，早前已增聘人手，並多入酒水存貨；而酒吧為了吸客，亦會因應每場賽事的隊伍，轉換門外掛出的國旗佈置。

Rachel又透露：「(酒吧)推出咗炸雞套餐同估波膽遊戲」，預計今次世界盃可以大做生意，「生意額最少可以升兩成。」

球迷Andy則到酒吧睇波湊熱鬧，他說：「世界盃第一場，梗係約朋友出嚟睇波，一齊歡呼先夠熱鬧。」他又指今屆世界盃比賽時間主要在晚上舉行，球迷大飽眼福，直言：「好多場次都就到，盡可能每場都睇！」

你敢爆，我敢獎！ 即Call《蘋果》24小時爆相爆片熱線 ：63836568