贏咗大閘蟹小姐嘅女歌手蘇慧恩今日喺灣仔出席食品展覽嘅活動，但今晚平安夜要去大陸登台，聖誕節先可以同家人一齊慶祝。

講起聖誕，蘇慧恩話冇男朋友，要過Lonely Christmas，佢仲話以前試過幾段傷心嘅愛情經歷，所以都唔敢咁易拍拖：「我係好好勝，其實都知道個男仔唔止一次有第二個，但我一直堅持覺得可以改變佢，點知唔得，原來愛情係冇得單方面，要兩邊配合。」

而喺工作上，蘇慧恩都好勝心強，佢話：「之前我想開音樂會，我就好努力做，點都要開到；出年6月我想出黑膠碟，雖然我知巿場上好多人做呢樣嘢，但呢個係我人生一個大夢想，所以一定要做到。」