【新增回應】
陸永老婆Reina早前被爆陀第三胎嗰陣，不幸流產，搵咗玄學家吳佩孚嘅師兄，為男嬰做法事，超渡亡兒(新聞連結： http://bit.ly/2Bwp658 )，陸永接受傳媒訪問時，就話o依家已經平復晒，太太身體亦都冇大礙，不過今日周刊指老婆Reina有感被出賣，覺得唔開心。

今日有周刊指，知道陸永老婆Reina小產一事嘅朋友並唔多，所以Reina有感被人利用，更估到係邊個做，陸永心痛愛妻，決定同對方絕交，據報道指陸永同老婆唔知BB性別，只係友人話俾佢哋知見到個男仔。

Reina剛才喺網上留言回應此事：「自有雜誌報道有關我哋嘅事情後，收到無數慰問短信，多謝大家關心。今日再有雜誌報道後，電話再次響個不停…希望大家唔好胡亂猜測，就今次事件，我從來冇諗，亦冇懷疑過任何人，大家唔好對號入座喇!」佢又指令身邊幾位朋友，師傅被誤會，請幾多餐飯都補償唔到人哋㗎！