喺日前，中國國務院總理溫家寶訪問德國期間（右圖），DaimlerChrysler（戴姆勒-克萊斯勒）與北京汽車工業控股有限公司，喺中國合作生產平治C-Class及E-Class轎車嘅計劃，獲得中國國家發展與改革委員會嘅立項批准；而呢批國產平治汽車，將會喺位於北京經濟開發區嘅新廠區生產，預計年產量更可達25,000部之多㖭！

今次係繼去年中國國家發展與改革委員會，批准DaimlerChrysler響福建嘅輕型客車項目後，又一項新計劃；而DaimlerChrysler董事長JurgenE.Schrempp喺拜會正在德國訪問嘅溫家寶總理時講到，話喺中國建立平治轎車嘅生產區，係佢哋亞洲戰略嘅關鍵組成部份，從而將進一步完善喺中國市場嘅轎車及商用車業務，並因為中國係世界上增長最快嘅汽車市場，參與其中定能獲得眾多商務機會。另外，負責響中國設立MercedesCarGroup嘅董事ProfessorJurgenHubbert亦表示，今次獲在中國生產平治汽車嘅立項批准，會有助加深平治汽車在中國嘅影響力，令佢哋可擁有更高市場佔有率呢！

記者：鄭達基