唐唐同CY呢對「備選孖寶」，辭職後大解放，日日連走多場拉票，看來一票都不能少，無怪乎呢排有CY之處都會見到唐唐。本周六鄉議局舉行嘅「保家衞族」村代表大會，CY同唐唐出奇有興趣地「搶住嚟」，有鄉紳笑說「估唔到我哋咁重要喎」。但為免大會成為「辯論」場地，鄉議局特別分開兩場諮詢，等佢哋兩個各自發揮。
到鄉議局力爭鄉紳票後，孖寶翌日再作戰，雙雙到華員會出席「與特首備選人士交流座談會」，鬥搶公務員支持。
呢個座談會都係分兩場，兩人唔會正面交鋒。備選孖寶孖咇出巡做騷陸續有來，唯一打正旗號聲言參選嘅民主黨何俊仁，會唔會斯人獨憔悴？