港股近日整固,但細價股炒得好精采,好似隻華藝礦業(559)昨日一升就41%,問你點頂?另外中國風電(182)由今年初大約0.20元起步,升到0.75元以為差唔多,點知昨日照升10%,報0.83元。好多散戶都問家陣細價股咁熱鬧,究竟純係資金因素,抑或炒背後概念?
股市大升浪要靠資金推動,某些好耐唔郁的股份突然爆上,好可能係市場游資氾濫所致,無關甚麼概念,好似金源米業(677)呢輪股價咁強勢,唔通係炒「柴九概念」咩?
地產股昨升得最勁係嘉華國際(173),升幅近24%,收報2.19元;反映升浪向中小型地產股擴散,短線不妨留意麗新發展(488)。