韓國出晒名係一個「撞樣王國」，無論係娛樂圈又好，出街都好，要搵個樣似足9成嘅人真係話咁易。

而打響旗號係天生美人嘅女團少女時代成員允兒，近日亦被發現同人撞樣，對方仲要係一個只得8歲嘅小妹妹㖭！

名為Oliva嘅8歲小妹妹近期喺網上爆紅，最大原因就係因為佢無論係個靚樣、髮型或姿態都同允兒似到十足十，尤其係佢嗰對圓睩睩嘅眼，真係「後天加工」都冇可能整得咁靚，話佢係允兒個妹一定有人信。

而Olivia嘅人氣亦唔比允兒弱，據知佢o依家係韓國網拍界嘅人氣童星模特兒，外拍工作接到手軟之外，廣告代言仲已經接咗幾十個咁多，認真厲害。