若非「悅目星光」最後幾步頂唔住，剛周三（3日）晚阿Ben蘇狄雄已憑「翹軍」、「神舟寶駒」中三元，莫講話馬迷，相信連佢自己也估唔到。

網上有好多朋友話因為阿Ben季尾掛靴，馬圈有情，提前幫佢送行。

之不過問題係都要阿Ben自己爭氣，騎唔掂即使畀隻馬王你跑一樣輸！

今季出人意表嘅事何其多，家陣練馬師榜Big 4順序姚、呂、東、摩，長期居前三嘅阿John蔡約翰亦進佔Big 4位置，之不過係大熱死火嘅Big 4！

查一查季內大熱龍虎榜，勝出率最低嘅馬房順序係容、賢、蔡、葉，認真估佢唔到。

若計上名率又另一番風景，全部倉都有超過五成上名率，惟獨葉楚航一枝獨秀只得42.9%！

到底係啲馬本身唔得？抑或馬迷冇眼光兼太熱情？相信耶穌都答你唔到！

周日（7日）葉廐有八駒列陣，其中注定成為熱門嘅應該係二場四班1200米「連利福將」同九場三班1600米「博愛友威」。

到底能否打破魔咒，幫馬房扯番高個大熱成績？當然要跑過至知。

「連利福將」嘅優點係落番第四班後潘頓摸住當寶，缺點則係排12檔。

至於「博愛友威」上場大勝三個幾馬位換來10分加幅，由於114磅潘頓騎唔到改配雷神，望落配搭就誠意十足，但缺點係雷神季內騎葉廐馬20匹次，只贏出一匹「神火金剛」。

--------------------------
【馬上看經典】迴光反照莫此為甚！「奔騰」創遮打盃另一經典
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩