原來做英冠足球死忠，一點也不容易。
已記不起多少年前，用30多鎊在倫敦看韋斯咸在英冠沉淪，迎戰下游隊克魯時的苦況。但上周五走到離唐卡士打市中心10多分鐘車程的Keepmoat Stadium，方知那種苦澀有多實在。幸主隊唐卡士打是晚在寒風刺骨、只有攝氏2、3度下，以2:1險勝包尾的伊奧維，暫離降班漩渦；數千球迷多數開心得像獲贈保溫袋，速離球場避寒。

作為今次睇波第1擊，筆者從沒有想過這場波水準會有幾低，會有幾悶，意料不到反而是獨腳戲獲SkyTV全國直播，令本來已是英冠入場率最低的兩隊，賽前氣氛更添平淡。唐軍場外黑漆漆，蚊型官方商店問津者小，賣波衫連招牌球員海報也欠奉；其實亦難怪，因剛傷癒復出的曼聯借將馬捷達，亦未知幾時被召返曼市。英超以下級別聯賽，一向人來人往，出入頻繁，波衫冇得sell!
一張25鎊最靚位的波飛，「驚喜」從進場開始。買波飛送「4寶」，包括比賽場刊、一杯大啤酒連熱辣辣牛肉批，還有熱飲贈券；主隊為速銷球票有幾激，筆者大鄉里少見，因為贈品總成本接近15鎊（坐在我身旁的老球迷Allen之後聞言，也嚇了一跳）。
本想在場內賭波支持主隊，問過在場職員，原來從今季開始「立博」取消了攤檔。莊家從來不笨，上季唐軍踢甲組，尚可也文也武吸到注碼；今季質不如人，成績走低，難望吸客，無謂蝕做。英冠直播即場冇得賭，如果是中國人，早已棄不足惜。
老球迷Allen非常健談，住在球場附近，不用300鎊便購得可睇足23場主場聯賽的季票，又不用交通費，當然力撐。小弟幸有他坐在身旁，全場作出專業旁述，對主隊每一個調動、每一位球員的作用都瞭如指掌。
很多人對英冠波着迷，或如筆者有時想睇高Q大棍足球，腳腳七注。對不起，今場唐卡士打踢地面進攻，但面對包尾的伊奧維卻陷於苦戰，球員質素非高卻學人玩腳法，幸好筆者老遠捧場有4寶送！
文：蘋果波神
mailto:[email protected]

足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24