韓劇《任意依戀》男星金宇彬噚晚喺澳門舉行粉絲見面會，不過就是非多多，除咗入座率只係得三成外，又被數佢四宗罪，包括耍大牌唔出場、丟粉絲禮物等。

雖然金宇彬噚日早上先到澳門，不過噚晚見面會一結束佢就即晚趕飛返韓國，可能佢都知衰，喺機場現身時唔再包到冚，冇黑超冇口罩，見到粉絲都有揮手同收禮物，粉絲要求簽名時佢都有接過本簿，入閘前都有望多粉絲兩眼，係個笑容牽強咗少少咁。