荷李活鑽石王老五佐治古尼（GeorgeClooney）日前宣佈，話會喺呢個月同未婚妻AmalAlamuddin喺意大利威尼斯結婚，仲冧爆話急不及待想快啲成為Amal嘅老公。

而佐治嘅舊愛意大利女模ElisabettaCanalis，日前就搶閘結婚，喺意大利薩丁尼亞島同一個靚仔醫生結為夫婦，場面都好熱鬧，網友仲話醫生型過佐治古尼。不過Elisabetta行入教堂嗰陣，個婚紗look就真係唔多得，望落去好累贅，似成塊窗簾布披上衣，隱藏咗佢好好嘅身材，加上佢又披頭散髮，真係唔多靚。