第十二屆亞洲電影大獎頒獎禮將於今晚七點半喺澳門威尼斯人度假村酒店舉行。

下午六點15分左右，Janice Man嚟到會場，今晚佢將會聯同郭子健頒發編劇獎項，問到佢今晚點解咁密實？JM笑言：「唔使年年都性感嘅，適當時候就會性感。」嚟緊JM會到大陸拍時裝電視劇：「會留三四個月，其實拍完《狂獸》之後都差唔多一年都冇拍戲，因為暫時都未遇到適合嘅劇本。」問到曾經簽約比黎明嘅JM知唔知黎天王係咪就快做爸爸？佢話：「噚日都有睇到呢一單新聞，但係我未搵佢，先唔恭喜佢住，亦都唔敢打搞佢，怕佢太忙。」

問到JM信唔信呢一單新聞？JM話：「我唔知啊，我同阿Wing係舊同事，不過佢負責李治廷嗰面，所以我同佢唔係太熟。」知唔知Leon係咪將A Music交晒比阿Wing打骰？JM就話：「唔知啊，我都有一段時間唔喺香港，所以同Leon都好耐冇見，呢啲要留返比佢回應。」

精選娛聞，喺晒《娛果》
http://fb.com/appledailyent