方伊琪、蘇珊、曾航生、陳日豐同SugarBaby等今日去到科學園出席慈善活動，原本有份參與嘅謝雪心因病缺席。方伊琪同埋仔仔卓達一齊出席，受媽咪遺傳，卓達都愛好唱歌，不時擔任媽咪演出時嘅嘉賓。現職lT嘅佢無特別諗入行做歌手，而方伊琪大讚無正式學過唱歌嘅仔仔音樂感好好，但從來無迫佢入行，講到農曆年去邊度玩？卓達話：「帶媽咪去海洋公園。」方伊琪聽完笑哂口話：「啲後生肯帶你出去玩一定開心。」佢仲透露仔仔有位拍拖多年感情穩定女友，但自己唔急飲新袍茶，由後生自己決定。