由崔岷植、朴信惠、柳俊烈、李荷妮等主演嘅新片《沉默》將會喺11月上映，今日一眾演員就現身發佈會。

當中朴信惠就以一條黑色裙包到冚現身，即時被同場拋胸示人嘅李荷妮搶盡風頭。而影合照時，崔岷植、朴信惠及柳俊烈都好鬼馬，大擺趣怪甫士。

朴信惠就提到今次嘅角色係心理變化好多嘅人物，同平時演嘅角色好唔同，觀眾可能都會覺得陌生，朴信惠又表示好榮幸可以同前輩崔岷植合作，佢更獲崔岷植大讚貼心照顧人：「每次朴信惠到戲場拍攝時，都會準備好多嘢食，慰勞大家。」