今朝（7日）雖然高掛一號風球，但晨課上各路人馬備戰並冇放鬆，大部分時間在大雨下進行操練，惟見多對騎、練冒雨積極備戰，精彩動態鏡頭不少。

當中，姚本輝馬房有三匹參戰馬，田泰安策「魅影揚飛」，潘頓騎「小鳥敖翔」及貝湯美聯手「雷電寶」，分批安排由大師傅往大跑道作快跳考驗。

其間，練者輝哥親自打點一切極為肉緊，在各對人馬出試前，更不停向鞍上人指指點點授予指令，舉動積極，照睇嚟搏殺心意昭然若揭了。

其中，列陣周日（10日）沙田日賽第八場三班草地1200米的「魅影揚飛」，早前加配眼罩由田泰安試省過課大閘，表現前後具備，角逐情緒集中。

今戰初戴眼罩上陣，應有正面幫助，跑1200米屬射程，睇嚟此駒有機會贏多場頭馬先抖暑。