英皇今年將會力捧年僅十七歲的新女馮皓詩（Gladys），她有幾分似張栢芝，又有點像劉心悠，雖然年紀輕輕，但因童星出身，至今已有九年演齡，參演廣告超過三十個，亦演過多部劇集。
當年陳浩民主演的《西遊記》公開招考小演員，她在三百名報名者中脫穎而出，其後曾參演郭晉安的《同撈同煲》及羅嘉良的《神探李奇》等，電影方面則曾在陳小春與梁詠琪的《山雞傳》中飾演梁詠琪童年。

馮皓詩四歲學跳芭蕾舞，又愛唱歌，所以她希望歌、影雙棲發展，去年她寫信到英皇毛遂自薦，不料有天英皇高層霍汶希（Mani）肯接見她，自此改寫一生。
日前馮皓詩在銅鑼灣接受訪問時說：「好搞笑㗎，嗰日我見Mani，佢問我覺得佢惡唔惡，我唔覺，只係覺得佢好靚，後尾重唱歌畀佢聽，亦都有同楊生（楊受成）見面，佢哋覺得ＯＫ，咁我就簽咗英皇。」
問馮皓詩是否眼見英皇旗下的Twins和容祖兒等成功例子，才選擇這間公司？她說：「我第一間就揀英皇，一來係大公司，二來又多明星、多投資，你講嗰啲都係好歌手，我都會努力。」

馮皓詩不諱言自己屬追星一族，偶像是周杰倫，由於她認識多位無綫員工，故早前獲通風報信，得以在錄影廠外見偶像一面，她一臉天真地說：「嘩！我見到佢驚到啞咗，係啲工作人員幫我畀張紙佢簽名咋。我都幾鍾意羅嘉良同鄭伊健。」而她稍後將會演出成龍新片《BB計劃》。
採訪：朱倬誼
攝影：林德雄
髮型：Mo@ChinG
服裝、場地：Dada