數碼洪流要湧過來，擋也擋不了！誰不知幾年前已出現可屈曲的屏幕？當時話題聚焦在紙咁薄電子書，但一直大隻廣，很快被遺忘！今次正式換上可賣街的曲屏智能手機，形如其名叫Round（彎）；那5.7吋芒由平變曲，有何好處？是熱潮還是趨勢，大家不妨猜猜。

近期網上流傳曲屏手機都是韓Phone天下！除今日介紹的SamsungGALAXYRound外，盛傳下月初，有更大尺寸的LGGFlex準備應市；兩者最大不同處，是Round由左而右呈弧形設計，而Flex則係由上至下！

率先到手的GALAXYRound，外形極像Note3，除了同為5.7吋芒，背部採用皮革底蓋外，估唔到連Android系統、Snapdragon800處理器、1,300萬像素鏡頭都一樣。至於那曲面角度，雖然唔大，甚至比只得5度的LG曲面電視更窄，但揳落牛仔褲尾袋，很貼身，較傳統屏幕方便，提起放臉旁傾電話，也感覺特別貼面。值得一提，由於屏幕輕微彎，當你打側觀看時，會發現可視角度更清楚；而日常觀看，亦未見到「變形」情況，試睇YouTube和Menu的效果，都算可收貨。