當年今日
關於我們

【終於有得睇喇!】《香港大師》正式上映 導演梁仲文叫大家唔好割櫈

蘋果日報 2017/12/04 21:57

Sam哥香港大師梁仲文Manson提子駿爆胎占

電影《香港大師》首映禮今晚喺圓方戲院舉行,一班有份參與嘅台前幕後都有出席,好似有男主角Manson、提子駿、爆胎占、Sam哥、編劇恐懼鳥等等都有出席,喺電影開場之前,導演梁仲文就同大家講,叫大家睇完唔好割櫈。當完咗之後,梁仲文再同觀眾講幾句,佢話今次係佢第一次拍長片,自己都有啲驚,冇諗過可以喺大銀幕上映,呢點好難得,仲有一點好難得,就係戲中嘅演員都係新人,仲講笑話今次套戲係死出嚟,希望下次可以有多啲預算。
顏仟汶、詹秉熙、吳堯堯等等都有出席,原本話會出席、最近承認患有皮膚癌嘅邵音音就缺席。顏仟汶同詹秉熙相識唔係好耐,但係佢哋甚為投契,仲以哥哥妹妹相稱,顏仟汶話:「我哋冇合作過,相識亦唔係好耐,但係一識嘅時候已經好投契,嚟緊會有上契儀式,我哋當然係契哥同契妹啦,唔通契姐同契弟咩!」詹秉熙話會準備金飯碗。
顏仟汶就話大家都好了解對方,大家都係12月生日,佢話同詹秉熙嘅太太好老友,仲會跟詹秉熙囡囡一樣叫佢太太做媽咪,佢哋搞笑話啲關係好混亂,仟汶話:「我成日去佢哋度湯飲,因為自己缺乏湯水又缺乏愛護。」問到佢哋想唔想有合作機會?仟汶話當然希望,仲話可以一齊合唱,又可以一齊拍戲。仟汶13號就會去西藏做美容院商演,好緊張會有高山反應,有傳壯陽藥可以醫高山症,佢哋兩個聽到都好疑惑,仟汶就話唔會帶,佢話:「我搭飛機都會頭痛嘅,好彩去到唔使唱歌,最多慢動作啲,之後返嚟呢就會有生日party。」
更多娛聞,喺晒《娛果》
http://fb.com/appledailyent
empty
(攝影:葉君海)
empty
empty