【獨家有片】張栢芝泰國返港被趕落機 疑抱孻仔阻路與空姐爭執

蘋果日報 2020/03/10 15:48

飛機張栢芝
    單親媽媽張栢芝帶3子到泰國蘇梅島旅行，原定昨日返港，惟在飛機上疑因抱仔阻路，跟機組人員發生爭執，雙方擾攘近1小時，大批保安上機處理，最後栢芝一行人被趕落機，敗興而回。
    《蘋果》收到讀者甘先生「爆相爆片」，指昨日乘搭Bangkok Airway PG873航班由蘇梅返港，在商務艙見到栢芝等人，「因為機組人員話佢抱住BB阻塞通道，雙方發生爭執，然後聽到空姐好大聲叫佢哋落機，好多security嘅人都上咗嚟，最後擾攘咗1個鐘，栢芝全家人要落機，包括佢三個仔、細佬張豪龍一家人、兩個工人，仲有其他家人朋友。」
    從讀者提供爆片，見到着黑色衫、紮起頭髮、戴黑色口罩的栢芝，站在座位兩旁通道的路口位，將1歲孻仔Marcus抱在懷着搖搖搖，似乎在哄Marcus睡覺，不過，由於航班的走道狹窄，站在路中的栢芝做了「路霸」，的確有阻路之嫌。甘先生表示：「佢哋係第一批上機，佢應該唔係有心阻，只係抱住BB動作慢，被空姐催，想佢哋快啲坐低。我係經過佢哋，聽到佢同細佬講被空姐話，佢細佬比較激動。」
    由於擾攘了近1小時，引起機上乘客不滿，甘先生說：「見到佢哋企哂起身，同空姐拗撬，佢哋搞咗好耐，阻住起飛，唔肯走，大家都想佢哋快啲落機。」之後，甘先生就見到栢芝等一行人遭趕落機，被安排坐上機場車輛離去，有大批保安在旁協助處理。短片所見，栢芝落機後將Marcus交給工人抱，她上車後即撳手機，情緒平靜，未有跟保安人員再起爭執。栢芝原定的航班是當地時間5時25分起飛，結果延遲至6時03分起飛。
    -----------------------------
    第三屆最港電影大獎
    按此立即投票
    -----------------------------
    【武漢肺炎】專頁
    全民自救 抗疫資訊盡在《蘋果》
    empty
    栢芝一家昨日乘搭航班由蘇梅返港，疑因機組人員指她抱BB阻塞通道，雙方發生爭執。（讀者提供圖片）
    empty
    栢芝站在路口位抱着1歲孻仔Marcus，似乎想哄Marcus睡覺。（讀者提供圖片）
    empty
    由於擾攘近1小時，引起機上乘客不滿，栢芝一家被趕落機。（讀者提供圖片）
    empty
    栢芝落機後，係咁撳手機。（讀者提供圖片）
    empty
    大仔Lucas及二仔Quintus則乖乖坐在車上。（讀者提供圖片）