在狗公園不准狗狗吠叫？網上瘋傳一名港女在將軍澳區一個狗公園用港式英語爆粗喝罵一名放狗菲傭的短片，片中港女疑不滿菲傭一人推著嬰兒車、帶著兩隻小狗到公園，指責菲傭未能制止兩隻小狗不停吠叫，更稱自己的柴犬曾遭兩隻狗圍攻和咬傷。港女講到激動時更手指指爆粗叫菲傭「You should shut the fxxk up, you just the helper」（你她X的閉嘴，你只是個工人）。菲傭事後無奈在facebook留言稱自己只是履行職責，不值得受到如此對待（don't deserved this），希望對方易地而處，反問若被人當眾手指指侮辱又會有何感受。

該條長約3分半鐘的短片，一來已見到一名長髮中年女子在狗公園內大聲喝罵菲傭，投訴對方帶來的兩隻小狗不停吠叫，認為菲傭未能控制小狗就不應帶狗隻到狗公園，更不應帶同嬰兒一起到場，並多番要求菲傭找其僱主到場。起初菲傭不忿對方喝罵反駁，港女情緒更見激動，炮轟菲傭態度差，聲言若自己是其僱主一定會將她解僱。菲傭最終無奈致電向僱主求助，並將僱主的電話號碼交給港女，惟港女拒絕接受，堅持要其僱主應親自到場，菲傭惟有解釋僱主正在上班。

港女仍未肯放過對方，繼續發表「偉論」稱兩隻小狗和一名嬰兒不應該只得一個工人照顧。她大聲喝罵期間，兩隻小狗和嬰兒都疑似受驚，同時又哭又喊，令現場更為吵鬧，港女更大叫要報警。期間一名疑似港女親友的男子上前了解，該名港女即破口大罵「離晒大譜，佢兩隻死人狗日日喺度吠！」她轉頭繼續炮轟菲傭態度差，大罵對方應滾回菲律賓（go back to Philippines, bad attitude, bad helper），但菲傭沒有駁嘴，只講「多謝」來回應。最後港女着男親友拿電話來拍下兩隻小狗吠叫的情況，聲言「我打電話去鬧佢個Boss」。

有自稱當時經過現場的網民就在網上發表「事後報告」，稱港女事發時因自己飼養的柴犬被兩隻小狗圍攻，上前將牠們分隔時被自己的柴犬咬到手，「地下有血迹」。事後港女亦致電給兩隻小狗的主人投訴，「開頭都好聲好氣，之後越講越大聲，內容大概投訴工人姐姐有關以上嘅內容同埋話佢唔應該又放狗又帶BB落街，問佢係咪冇錢，唔夠錢請多個工人。鬼佬冇佢咁好氣，叫佢報警囉。港女事後稱『連個主人都係仆街！』」

對於港女的行徑，網民大嘆令港人丟架。有人取笑港女「自己仲鬧得大聲過啲狗吠，BB都俾你嚇到喊」，認為她才應該離開公園，「唔知以為個公園係佢嘅咁！」亦有人指狗主不應將教導狗隻的責任推給工人，「關姐姐咩事呢？狗吠只係主人冇教好。」有網民就認為即使當事人認為自己有理，都不應大聲喝罵他人，「工人都係人，打份工，你以為自己高人一等呀？」

【網民咁講】
Irene Pang：好心呢啲人呀，如果人哋隻狗吠，你咪去第二度囉。識唔識保護你隻狗㗎？叫動物唔好吠佢隻動物喎，你自己都喺咁吠人啦！見到有BB都唔就下！
Ng Man Tak Herman：乜狗公園唔畀吠咩？
Becks' Cheung：相信姐姐都唔想一個人要帶兩隻狗加BB囉！關姐姐咩事呢？狗吠只係主人無教好。而家又嚇親BB同狗仔。
Łïñg Ńgåñ：其實個女人連自己都控制唔到自己唔吠，姐姐又點控制到2隻狗狗唔吠呢？
Wah Chan：未知邊個對錯，但火起唔代表咩都講得出嘅。想分開狗狗係拉尾，唔係擋中間。養狗前後其實可以做多少少功課嘅，擋中間梗傷。
Man Chan：你咁大聲又手指指，兩隻狗護主正常到不得之了。自己都養狗，喺狗公園玩下跑下吠下都畀人投訴，嚟公園睇雀仔睇日落呀？