當年今日

煲碟王：
2046數字謎語隱藏女性真美

蘋果日報 2004/12/26 00:00

數目字，可以隱藏好多特別意思，例如886係現代人ICQ文化下，最簡短迅速說再見嘅方法；1224、1225代表人心會變得容易寂寞；阿飛嘅「1」分鐘，可以令你馬上愛上佢……但係講到《2046》，大家思路好似馬上變得好模糊，有人話佢係「好」戲，亦有人駁到面紅耳熱，話佢係王家衞開始走下坡嘅「爛」戲，不過更多嘅人，係睇完影評加身邊朋友二手解說下，從未入戲院睇過嘅戲。

記者：朱崇德
DVD
單碟版：$65
SpecialEdition：$128

DVDPRO　電話：23326326
地址：旺角奶路臣街6E德發商場地庫B4舖
講開《2046》，筆者身邊有一個新推出嘅DVD笑話；某日同友人行碟舖，佢見到《2046》剛出，而且重玩雙封面設計，一個是章子怡加梁朝偉、另一個是王菲加梁朝偉，佢天人交戰咗好一會，先決定攞起手買王×梁版本！但點知收銀姐姐以迅雷不及掩耳嘅手法，喺Cashier同佢換過隻章×梁版本（其實係一般做法，打咗價錢嘅樓面碟通常會收起），而且等佢返到屋企先知！不過筆者更提醒大家，除雙封面單碟裝之外，其實重有一個2碟版嘅SpecialEdition，佢行單封面，而多出嚟嘅Disc2主要係Making資料，再另加5張超精美磨砂面PostCard，王家衞迷必買！
empty
■章子怡話每次拍攝前，化妝連Set頭要成6個鐘，你都咪話唔認真！
empty
■章子怡片中飾舞女，場場戲都不斷換一件新旗袍，真係睇到人目不暇給。
愛情50年不變
《2046》可以話係王家衞迷等到頸都長嘅一套電影，拍攝時間歷時5年，最終才上畫！不過《2046》的概念，更可追溯至1997年，其實寓意是把中國政府對香港許下的50年不變理念，放入人的愛情觀上，和心愛嘅人一齊，又何嘗不想「不變」呢？但又真的有「不變」嗎？
睇完全套戲，感覺好似幾鬆散吓，除主軸是由梁朝偉帶動下，道出了和鞏俐、劉嘉玲、章子怡同王菲的幾段愛情故事！
如果有留心王氏電影，都知周慕雲這角色出自《花樣年華》，不過角色性格已經完全改變，自被張曼玉拋棄後，由原本含蓄於表現愛情的人，轉變成一個精於寫色情小說，日日留連夜店的Playboy，再加半分職業賭徒性格之人；如果眼利者，不難發現這是表現「阿飛」精神的延續。
empty
■周慕雲今集搖身一變，成為一個色情小說作家。
《花》之延續
故事背景一樣發生在60年代香港，燈紅酒綠，看着有如花花公子嘅周慕雲，周旋於不同女子中。愛與不愛，走與不走，曖昧又含蓄；是敍述着一段一段的愛情，又解說着男女間種種糾纏，不過背後更隱藏着更深邃的意義。
嚴格嚟講，周氏第一個愛上的女人，應該是《花樣年華》中由張曼玉所飾的蘇麗珍。由於蘇不與他共赴新加坡，所以周獨自上路展開了一段異鄉傷心之旅；在星洲，周在地下賭場邂逅了由鞏俐所飾的另一個同名同姓的蘇麗珍，周努力在她身上找尋兩人的共通點，不過這只是一個假借的愛情代替品，最終鞏俐再一次飛掉了周。
如果從另一個角度看，鞏所飾的蘇麗珍，亦是60年代非常有代表性的女人，雖然出場戲份是咁多個女主角中最短，不過就非常有力地表現出一種有主見、個性、又有幾分撈家的豪氣；這可說是《花》的故事延續，又或是解說了《花》中蘇不跟周走的原因！
empty
■張曼玉今集只是客串出幾場，論着旗袍邊個靚啲，我都係覺得張有味道好多。
empty
■鞏俐唔單止同蘇麗珍個名相同，連場景都有幾分《花樣年華》Feel。
靈肉之愛
劉嘉玲是周的第三個女人，好多人初看時真係對佢一頭霧水，但再看佢個名「露露」，說穿了，其實是《阿飛正傳》中哥哥的女人，亦代表了以前為愛情非常執着的女人；至此，大家可能會聯相到，《阿》中片末梁朝偉對鏡梳頭，兼攞大堆銀紙去大檔，原來又是周慕雲；露露可看作是周曾經深愛的女人，不過曾經滄海難為水，多年後再找回「舊情人」，但估唔到連一碰她的衝動也失去了！
章子怡所做的舞女白玲，可以話係全套戲中最長篇幅解說的一段愛情，如果說愛「劉」是希望從心靈上愛起得以解脫的話！章就是一個反其道而行，希望從肉體上出發，解除心靈空虛的方法，章在劇中真係演得非常好，由起初的借故挑逗，到中段的欲拒還迎，及至尾段真係愛上了周，委屈奉迎，都做得非常到肉，看到60年代女性的堅愛信念！
empty
■劉同張震有幾段床戲，可惜電影被刪剪得支離破碎，感覺好似為性感而性感。
empty
■章同梁一樣有多段床戲，當中的$10交易，嗰種委屈求全，真係睇得人好心酸。
愛的時間空間論
王菲演東主女兒一角，可以看成是才女或對愛情非常純潔的一個象徵，周在這段感情中，可謂已有點超脫出蘇麗珍的影子。不過你愛人時，人不愛，正如片中的感慨，愛情是非常受時間同空間的限制，如果大家相遇早啲，可能一切都會改寫！
簡單嚟講，《2046》簡直可以說是從兩性角度出發，道出兩者的愛情觀。4個不同女性，4種不同的性格及對愛情的睇法，可以話是王家衞對60年代女性，又或者是道出這個夢幻年代，對完美女性的演繹；至於梁所飾的周慕雲，亦可看成是王導演所表現的男性對待女性的角度，如果曾經受過多次愛情之苦的人，看後此片真是會感觸良多！
empty
■木村拓哉戲份勁少，不過佢有一段「樹洞講秘密」的橋段，好有《花樣年華》的影子。
empty
■未來機械「人」，對愛情反應遲鈍，相對60年代敢愛敢恨的真女人，真係天淵之別。
必睇Bonus
王家衞解讀《2046》
正如前面所述，只有雙碟版的SpecialEdition先有BonusDisc，講真，相差幾十蚊嘅價錢，多咗王家衞導演同一眾演員對電影作近半小時的解讀，當然睇得明好多；另外，筆者還發現，其實現在的DVD版《2046》，其實同演員及導演口述的內容實在有點兒出入，相信是由於電影過長的關係，所以被刪剪掉，其中尤以劉嘉玲、木村拓哉、張震同王菲的為甚，真係非常希望有一個足版的《2046》會推出。
empty
■王家衞親身解讀《2046》，係SpecialEdition版嘅專利。
empty
■木村拍戲時話周圍都係蒼蠅，重發明了電蚊拍打羽毛球玩意，必睇！
同場加影
《天域戰士》宇宙世紀×古式打鬥
光頭佬雲狄素，可以話係呢期荷李活最紅嘅大隻佬明星，01年嘅飛車片《狂野時速》，同02年占士邦式特務片《3X反恐暴族》，都好能凸顯佢嘅鐵漢本色，講到最新一套落場嘅，就有《天域戰士》！
唔講大家可能唔知，其實《天域戰士》是一套續集片！第一集原戲名為《黑煞天魔》，這是一套小成本製作但勁收得嘅電影，當年的男主角一樣係雲狄素，故事是講述一隻載有殺人犯的太空船遇上意外，誤墜落一個渺無人迹及灼熱的星球，乘客及隊員不但要在逆境求生，更要面對嗜殺狂人的威脅，而到最後，雲就是其中一個死剩種！
而《天域戰士》就是承着上集故事，化身為殺人暴犯──厲敵，被放逐在星際宇宙間，一個叫「首陽星」的先進多文化星球。可惜該處剛遭大帥為首的死煞兵團侵略，厲敵被收監於地下室，每日要忍受火山之熱、極地之寒。此時，他遇上多年前太空失事的生還少女姬拉，兩人決定一起逃獄。但他們誤闖死煞族的指揮船，被捲入與死煞兵團搏鬥的世紀戰，最後更要正面挑戰邪惡之王大帥。
論故事性，以動作電影嚟講，算有板有眼，論打鬥場面，宇宙世紀都用古色古香嘅真刀真槍，都睇得幾過癮，不過最正是中段講述一個火燄星球，基本上是一個大監獄，日頭出時是700℃，晚上收太陽就-300℃，佢要點逃出這樣的一個黑獄呢，有諗頭。
empty
DVD$125
empty
■逃出黑獄一幕，勁多轉折位，睇到人血脈沸騰。