梁老闆在上址經營士多五年,附近維他奶職工愛到這裏Happyhour,人稱「大師兄」的劉友榮是常客。昨傍晚5時許,劉與職工會會長張志成及兩名理事到士多聚會,坐在店前一張木枱飲汽水閒聊,其間一名友人及梁老闆加入打牙骱。在士多內的梁太說,當時眾人還投訴石屎簷篷有滴水,以為是士多冷氣漏水,她反駁冷氣機位置與木枱不相近,應沒關係,眾人沒理繼續閒談。
半小時後,張志成走到士多約五米外傾電話,梁老闆也站在士多外,劉與另外三人圍坐,張突見毗鄰車房對上石屎簷篷倒塌,更朝士多方向陸續塌下,梁老闆大叫一聲:「走啊!」,眾人立即拔腿逃命,其中四人逃至馬路中,另一人則跑入士多內,毗鄰車房外另外三人亦及時逃命,但大師兄走避不及,被塌下石屎壓住。
事後現場一片混亂,梁太更被困士多內:「石屎簷篷冧咗,點知幅牆會唔會冧,我喺士多裏面唔敢亂郁,半個鐘後先由消防員帶領離開。」梁太形容意外是無妄之災,估計生意會受影響數天,幸她與丈夫均吉人天相。街坊表示,意外若於前晚發生,後果堪虞:「周三夜馬好多人坐喺士多前,嗰陣冧就死得人多。」《蘋果》記者