當年今日
關於我們

【好彩冇肚屙】李佳芯廁紙存量見底 手震震慳住用

蘋果日報 2020/03/04 18:15

高海寧分手李佳芯武漢肺炎

李佳芯(Ali)、高海寧(高Ling)、黎諾懿與趙希洛今天於油塘向市民派發口罩,首次參與派口罩活動的Ali,希望為社會出一分力。
Ali最近頻頻到郊外行山,問她有否順道執垃圾?她說:「當時我冇準備,如果執垃圾嘅朋友,都要保護好自己先。」Ali又透露最近跟fans組織義工團,3月份會到郊區執垃圾,問到男友陳炳銓會否同行?她說:「應該唔會,不過做好事都冇乜所謂嘅,最好唔好俾人影到,因為我哋都想低調。」
談到防疫用品是否足夠?Ali說:「都試過屋企只係得返3個口罩,好彩當時唔使開工,留喺屋企,廁紙就嚴重啲,曾經得番兩卷,尾二嗰卷開嘅時候真係手都震埋,仲一格一格用,到而家都係慳住用。」記者笑問若然「開大」(大便)時怎樣辦?Ali說:「嗰段時間食得好清淡,好彩冇肚屙,最後要住喺太子嘅朋友幫我買咗一條。」至於問到她何時開工?Ali指還未收到通知。
而高Ling指今天是過年後第2天開工,提到之前到日本旅遊,卻撲不到口罩,現時一家剩下兩盒,要慳住使,她說:「好彩有朋友喺馬來西亞寄咗20個口罩畀我,又有啲朋友送咗啲洗手液畀我,呢段時間覺得好有愛。」高Ling又爆自己上月開始吃素,她說:「因為今年多咗好多唔好嘅新聞,為咗自己又好、為社會又好,係積福,喺心靈上盡少少棉力。」提到早前被爆IG取消了鄧智偉的關注,被指分手,高Ling說:「其實我成日unfollow人,冇乜特別意思,佢一直都冇follow我。」問到二人感情是否有暗湧?是否單身?她說:「我好少咁高調去講自己私人嘢,所以今日都唔打破,咁多年都唔講呢啲嘢。」
採訪:黃曉妍
攝影:陳慧安
-----------------------------
第三屆最港電影大獎
按此立即投票
-----------------------------
《果GYM》隨身播  健身壹App過!
empty
攝影:陳慧安
empty
李佳芯首次參與派口罩活動。
empty
高海寧承認在IG取消關住鄧智偉,但未回應分手傳聞。
empty
李佳芯曾經得兩卷廁紙,笑言幸好冇肚屙。
empty
李佳芯、高海寧、黎諾懿同趙希洛今日到油塘向市民派發口罩。