當年今日
關於我們

【簽合約變簽婚約】網民修改維基:林建名娶咗何傲兒

蘋果日報 2015/05/29 06:00

蘋果何傲兒爺孫戀大名娛樂即時林建名維基大少wiki

今日何傲兒就正式簽畀契爺兼「爺孫戀」男主角嘅林建名(大少)旗下嘅大名娛樂,不過有好多網民都誤會咗,以為佢哋係簽紙結婚,不過其實都唔怪得佢哋,因為今日嘅簽約儀式,又真係好似一個婚禮咁嘅,何傲兒條裙又似婚紗咁,大少又打埋煲呔,真係好易令人誤會。

而喺林建名嘅維基上面,仲有網民加咗一項「2015年5月,與何傲兒結婚」,不過呢幾隻字就唔係存在咗好耐,過咗一陣,就已經改番做「2015年5月,與何傲兒簽約」喇,真係一場美麗嘅誤會。