馬會主席夏佳理不懂中文,但他對《蘋果日報》很有感覺。「睇番轉頭,九五年嘅環境,《蘋果》面世嘅時間同定位都好配合,黎老闆係睇到有個好大嘅機會。」
夏佳理認為《蘋果》改變了香港傳媒文化,他印象最深刻的是當年《蘋果日報》因陳健康事件刊登全版道歉啟事,「以前如果錯咗,好少報紙會道歉,但係Jimmy會。」
「《蘋果》十年嘅定位有人彈有人讚,但後生嗰班特別鍾意,尤其六四後,有政制爭拗、香港回歸問題,對民主期望,我諗你哋摸到脈搏。」
問到《蘋果》前景,夏佳理說印象上覺得《蘋果》幾似西方國家的Tabloid(小報),不同保守、傳統的報章,「我個人睇,最緊要係準確,打劫、撞車等不幸事件係咪要周身血出街?」夏主席更建議《蘋果》可以考慮出海外版同財經報章,認為這可以為《蘋果》進入內地打開一條生路。
至於《蘋果》反23條「叫人上街」,他說很難定對錯,「反映民意,你哋有權去做。」不過,他最後補充一句,「《蘋果日報》喺香港甚具影響力,但係如果乜嘢都為反而反,影響力會削弱,其實《蘋果》可以做WashingtonPost《華盛頓郵報》,問題係你哋想做乜嘢?」
傳真︰2623-9278
電郵︰
[email protected]